就爆

多野做到嘔  我真係唔應該係度出現  但好需要發洩下 

好炆  我唔明點解讀到呢個level既學生既英文可以係咁差 
我完全睇唔明你寫乜  又完全冇文法可言 
好炆  我真係好憎做group project

indeed我唔歧視英文唔好既人  自問進步空間仲有好大我冇資格批評人 
你有野唔識我亦好樂意盡我所能去教 
但如果係講緊同組做project  做緊過程中我真係會炆 

我而家好炆  想大嗌 

成個reading week o係度做group project    自己既paper就郁都冇郁過 
個個顧左自己先  自己就顧左人地先  驚自己會拖累全組
我係咪太為大家利益著想太唔錫自己 
星期五一份paper一個present  
paper 8半交我郁都未郁過  但呢一刻仲搞緊present仲炆住咁睇緊D睇唔明既英文
仲有下個禮拜又兩份paper未郁過同一個present而groupmates好hea交貸quality唔得
但係星期三四晚都冇左因為要去博覽館表演而星期五8半就present 
everything is just soooooo unprepared 
我想話  其實我真係好驚  好驚最後會交垃圾   

黎芷茵一直以來交的都是quality work

為乜搞到自己咁 

又唔駛訓了  上個禮拜已經兩晚冇訓
死亡月  上帝我要看見你帶我出死入生 

十萬九千七樣野未完成   arhhhhhhhhhhh 好對唔住呀咁多位 T^T
媽啊其實我都唔想日日早出晚歸的.....
要把握時間把握時間同把握時間 
同埋要儲錢買notebook   不要再受EQ低的人的氣

_______________________________________

想特別update G007: 我星期六最後都係去唔到大埔練中樂團 

早上dorothy已經問：做乜你個咀咁白既？

之後都feel到有d唔妥  崇拜完後有d想嘔   離開教會後仲死........
往火車站的路真係行得好辛苦... 好似行極都行唔完咁.....
一方面同自己講要撐住   另一方面想就咁暈o係條街度等人救 

終於上到火車  但每次遇上這種情況  現實總叫人沮喪 
當你既唔係大肚又唔係公公婆婆亦唔係三歲小朋友時 
基本上係唔會有人讓座俾你的 no matter how ill you look
行左一個站覺得真係頂唔順.... 就算去到我都彈唔到琴........
打俾霍miss好唔好意思咁問佢我好唔舒服我可唔可以唔黎 
而o係講既時候我真係feel到我真係要嘔了 -____-
係咁死忍死忍死忍  心諗快d到站啦我唔想o係火車上面嘔......
結果一到大圍站就盡力"衝"出去 
火車站有洗手間  比地鐵體貼多了  一關上門就是嘔吐嘔吐和嘔吐 
基本上就是整個金翠叉燒飯都給吐出來了  =_=

嘔完好多了  找個位子坐了一會兒 
send個msg俾霍miss講多次對唔住  因為咁夜的排練時間本來係為左就我......
coz 揚琴要做指揮  大家都要習慣睇我起  而且要夾我隻solo   唔可以唔出席...
結果我竟然臨時黎唔到  超內疚  T^T
但霍miss竟然re我呢個陌生人msg  超感動 T^T

以為冇事了  就上車 
點知上到車又開始好辛苦  加上有個打完波既男人o係我面前舉高隻手 
結果又開始想嘔  心諗 唔係連朝早個火腿扒芝士漢堡都要嘔埋出黎下化 -___-

太辛苦  為求快d返到屋企 
o係旺角站出閘後上了的士  花左成舊水車錢........................
不顧儀態也顧不了儀態地坐得超難看  司機大佬有沒有傻眼@@

一返到屋企就乜都唔理撻落床  一訓就訓到零晨點幾鐘先醒......... 

想起了kittywong 
姊妹  我想說  雖然我這次沒有坐輪椅但我真的一直都超明白你的感受  -v-

_______________________________________

今天其實很想問一個問題：吳生點解你要o係出面聽而唔入黎聽？

最後不用出solo實在太好了  
霍miss俾沈志豪轉玩賽馬亦實在太好了 -u-

懷念從前星期天到大埔的日子  在不久的將來該又會再開始這種生活

手又開始痛  拜託  星期六就是了  生性點

最近幾乎每天都從早到晚在外頭忙這幹那  
一星期可以有四、五天不在家吃飯   被媽投訴了 

每次我跟爸說要回機構開編委會  他都回應三個字：「冇米粥」
當在社會打滾久了 
當太認識生計、糊口、金錢的重要 
也許人便會因而忽略了非物質回報的價值 
我在這裡學到很多  但他好像無法明白 

最近又再被追問一大堆關於日後路向、工作的問題 
很煩.........................................................................

__________________________

剛才回家途中在巴士上遇上一個超可愛的孩子 
兩歲零五個月大  在牙牙學語的階段  跟他的對話很好笑
他說他 "DD渣波子" (daddy 渣 Benz)、"丫哥渣囉姐姐丫" (下個站落車車呀) etc.
臨下車前他還主動跟我使勁地揮手說byebye + 送了我一個肉緊的大飛吻!!!!!
(not ordered by his mum!) 搞到我暈晒浪.......... 勁想攬住佢黎錫!!!!!!!!!!!

__________________________

很想感謝每一個曾關心過我鼓勵過我的朋友 
很感恩生命中有您們的存在 
人太多了  無法一一點名道謝  大家自由對號入座好了 

只是想你們知道   我真的很感激   真的

__________________________

考試後去了一連串events
F.7 Camp、Call2all、聖若瑟週年匯演、六四晚會 etc.
需要一點時間記下來 
然後大家又會看見subscription的版面出現了超長、長到唔想睇的entries =p